Një takim katërpalësh midis delegacioneve nga Turqia, Arabia Saudite, Pakistani dhe Irani filloi të hënën në kryeqytetin iranian, Teheran, me bisedime që do të përqendrohen në sigurinë rajonale, aktivitetet e Izraelit në rajon dhe zhvillimet në Palestinë dhe Liban.
Takimi, i organizuar nga Sekretari i Këshillit Suprem të Sigurisë Kombëtare të Iranit, Mohsen Rezaei, mblodhi së bashku delegacione nga Turqia, Arabia Saudite dhe Pakistani, raporton Anadolu.
Në takim marrin pjesë si presidenti iranian, Masoud Pezeshkian, ashtu edhe ministri i jashtëm Abbas Araghchi, ndërsa Turqia përfaqësohet nga drejtori i Organizatës Kombëtare të Inteligjencës (MIT), Ibrahim Kalin, Arabia Saudite nga ministri i Mbrojtjes, Princi Khalid bin Salman, dhe Pakistani nga shefi i Shtabit të Ushtrisë, Asim Munir.
