Ora verore përfundon gjatë natës nga e shtuna në të diel, më 25 tetor.
Në orën 03:00, akrepat e orës do të kthehen një orë pas, në orën 02:00. Kjo do të thotë se do të mund të flemë një orë më shumë.
Shumica e telefonave inteligjentë, kompjuterëve dhe pajisjeve të tjera të lidhura me internetin do ta përshtatin orën automatikisht, ndërsa orët që nuk e kanë këtë mundësi duhet të rregullohen në mënyrë manuale.
Ndryshimi i orës do të thotë gjithashtu se me orën e re, agimi do të vijë më herët në mëngjes, por edhe errësira do të bjerë më herët në mbrëmje.
Ora verore fillon të dielën e fundit të marsit dhe përfundon të dielën e fundit të tetorit.
Në vitin 2018, Komisioni Evropian propozoi heqjen e ndryshimit sezonal të orës, një propozim që më pas u mbështet nga Parlamenti Evropian në vitin 2019, por shtetet anëtare ende nuk kanë arritur një marrëveshje përfundimtare nëse duhet të miratojnë përgjithmonë orën verore apo atë standarde.
