Ministri i Mbrojtjes, Ejup Maqedonci, ka mbajtur të enjten një ligjëratë para studentëve të Fakultetit të Studimeve Islame, ku ka diskutuar për sistemin e mbrojtjes së Kosovës dhe sfidat aktuale të sigurisë.
Përmes një postimi në Facebook, Maqedonci ka bërë të ditur se ligjërata u mbajt në kuadër të takimeve dhe bashkëbisedimeve me studentë në universitete dhe institucione arsimore të vendit.
Tema e ligjëratës ishte “Sistemi i mbrojtjes së Republikës së Kosovës në një mjedis të ndryshuar të sigurisë”.
Gjatë takimit, ministri ka diskutuar me studentët për zhvillimin e sistemit të mbrojtjes së Kosovës, avancimin e kapaciteteve të Forcës së Sigurisë së Kosovës (FSK), si dhe rëndësinë e bashkëpunimit me partnerët ndërkombëtarë.
Maqedonci ka vlerësuar interesimin e studentëve për çështjet e sigurisë dhe mbrojtjes, duke theksuar rëndësinë e bashkëbisedimit me ta.
“Ishte kënaqësi të dëgjoja mendimet dhe pyetjet e studentëve, të cilët treguan interesim për çështjet e mbrojtjes dhe sigurisë”, ka shkruar Maqedonci.
Në fund, ministri ka falënderuar Fakultetin e Studimeve Islame për ftesën dhe mikpritjen, si dhe studentët për diskutimin e zhvilluar.
“Falënderoj Fakultetin e Studimeve Islame për ftesën dhe mikpritjen, si dhe studentët për bashkëbisedimin e frytshëm”, ka shkruar ai në Facebook./teve1.info/
