Nusret Pllana e Bajram Dernjani, në vitet e 80-ta, u takuan për herë të parë në burgun e Zrenjaninit në Serbi.
Këta ndarazi ishin transferuar atje nga burgu i Prishtinës si të burgosur politik.
Por, një përshëndetje miqësore kokë me kokë mes dy shqiptarëve, u bë shkak i një ngjarje të rëndë.
Gardianët serbë këtë gjest, e morën si shkak për t’i rrahur dy shqiptarët.
“Kërkojnë nga unë se çfarë kam biseduar me Nusretin, unë ju përgjigjen që vetëm u përshëndeten, pastaj me pendrek me kanë sulmuar dhe me kanë godit në të gjitha pjesët e trupit, pastaj pa ndjenja kam mbet në atë pjesë të shkallëve”, shprehet ish-i burgosuri Bajram Dernjani.
Por, ai thotë se Nusret Pllanën nuk kishin qëllim vetëm ta rrihnin.
Kjo pasi ky i fundit kishte rënë në sy të autoriteteve serbe, pas ushtrimeve fizike që i bënte çdo ditë brenda burgut.
“4 gardian fillojnë ta godasin në të gjitha pjesët e trupit, pastaj me gjithë fuqinë e tyre e godasin në pjesën e pame të kokës…kurrë nuk e harroj, Nusreti mbeti i shtrirë, njëri prej tyre tha e vramë, tjetri tha vdiq, edhe unë e pashë Nusretin të vdekur”, tregon Dernjani.
Dernjani shton se lajmin që shoku i tij i idealit është gjallë, e mori një muaj më pas nga një i burgosur serb.
Ndërsa gëzim tjetër përjetoi në fillim të viteve të 90-ta, e pa vet të gjallë.
“Gëzimi më i madh është kur e kam vizitu (pas lirimit) në fshatin e tij dhe e kam pa që është mirë”, shprehet ai.
Ndërkohë krejt këtë ngjarje, veprimtari Nusret Pllana e kishte mbajtur të fshehur deri më sot.
Ai për Tëvë1, ka treguar arsyen se pse e bëri këtë.
Nusret Pllana, ish i burgosur politik
S’kam pas dëshirë këtë ngjarje me tregu sa i kam pas prindërit gjallë..
Dërnjani u lirua nga burgu në vitin 1990, pas pesë vjetëve burgim.
Ndërsa Pllana u lirua një vit më pas.
Kronika e realizuar nga Fidan Zejnullahu
