Nuredin Ibishi e ka theksuar rëndësinë e integrimit të Kosovës në strukturat euroatlantike, duke vlerësuar se vendi duhet të jetë këmbëngulës në rrugën drejt anëtarësimit në NATO.
“Ne duhet të jemi vigjilentë dhe këmbëngulës që të jemi pjesë e Kartës së Adriatikut. Duhet t’i kalojmë disa faza. Shpresoj që në vitin 2028 të përmbyllet faza e tranzicionit, pasi ne ndajmë 2 për qind të buxhetit për forcat ushtarake. Kosova nuk duhet të kursehet kur bëhet fjalë për sigurinë”, ka deklaruar eksperti i çështjeve të sigurisë në emisionin “Infonata” në Tëvë1.
Ai ka vlerësuar gjithashtu se mbikëqyrja dhe mbështetja e NATO-s kanë pasur rëndësi të madhe për zhvillimin e kapaciteteve të sigurisë në Kosovë.
“Fati ynë i mirë është se gjithmonë kemi qenë nën mbikëqyrjen e NATO-s. Merita të mëdha për formimin e FSK-së ka Ramush Haradinaj. Kosova duhet ta shfrytëzojë momentin dhe të integrohet sa më parë në NATO”, ka thënë Ibishi.
