Policia e Kosovës ka kërkuar bashkëpunimin e qytetarëve për identifikimin e një personi të dyshuar për veprën penale “shpërdorim i pasurisë së huaj” në Ferizaj.
Në njoftimin zyrtar të Policisë thuhet se, rasti dyshohet se ka ndodhur më 11 shtator 2026, në rrugën “Qamil Ilazi”.
Me autorizim të prokurorit të shtetit, policia ka publikuar fotografinë dhe videon e personit të dyshuar, i cili dyshohet se ka marrë në mënyrë të kundërligjshme një kuletë që i kishte rënë një personi tjetër.
Policia u ka bërë thirrje qytetarëve që, nëse kanë informacione që mund të ndihmojnë në identifikimin apo lokalizimin e të dyshuarit, t’i raportojnë ato përmes numrit emergjent 192, në stacionin më të afërt policor ose përmes aplikacionit digjital “Lajmëro Policinë”.
Sipas policisë, të gjitha informacionet do të trajtohen me konfidencialitet të plotë.
Bashkëpunimi i qytetarëve, thuhet në njoftim, është i rëndësishëm për zbardhjen e rastit./teve1.info/
