Ministria e Arsimit, Shkencës dhe Teknologjisë ka demantuar lajmin e publikuar sot, sipas të cilit është pretenduar se janë kryer bastisje në ambientet e Ministrisë.
Ministria ka sqaruar se ka marrë informim zyrtar nga Policia e Kosovës, duke thënë se ky informacion është i pavërtetë dhe se në ambientet e saj nuk ka pasur bastisje.
“Ministria kërkon nga portali Veriu.info, Indeksonline, Klan Kosova, Paparaci, Infokus dhe mediat e tjera që e kanë publikuar apo ripublikuar këtë informacion ta tërheqin lajmin e pavërtetë dhe ta publikojnë këtë demantim me të njëjtën dukshmëri që i është dhënë lajmit fillestar”, thuhet në njoftimin e Ministrisë.
Ndërkaq, Ministria ka theksuar se puna në këtë institucion po zhvillohet normalisht dhe se të gjitha përgjegjësitë dhe detyrat institucionale po realizohen sipas planifikimeve të përcaktuara./teve1.info/
