Sulmuesi i Real Madridit, Carlos Espi, është ftuar për herë të parë në Kombëtaren A të Spanjës nga përzgjedhësi Luis de la Fuente për dy ndeshjet e fundit të Ligës së Kombeve gjatë këtij grumbullimi.
Espi i është bashkuar ekipit kombëtar si zëvendësim për Ferran Torres, i cili është i dëmtuar. Ftesa për ekipin e parë vjen pas paraqitjeve të tij me Kombëtaren U21 të Spanjës, ku së fundmi ishte protagonist në fitoren e thellë 13-0 ndaj San Marinos, duke shënuar pesë gola.
Sulmuesi madrilen kishte marrë pjesë në dy ndeshje kualifikuese për Kampionatin Evropian U21 të vitit 2027, ndërsa forma e tij e mirë i ka dhënë mundësinë të bëjë hapin drejt Kombëtares A.
Spanja, në kuadër të këtij grumbullimi, do të përballet me Republikën Çeke në Oviedo të shtunën, nga ora 20:45. Ndeshjen e fundit të këtij cikli, spanjollët do ta zhvillojnë ndaj Kroacisë në Split, më 6 tetor, po nga ora 20:45.
Në listën e Spanjës për këto ndeshje janë edhe Dean Huijsen dhe Marc Cucurella.
