Është organi kryesor në trupin e njeriut.
Por shëndeti i zemrës, po vazhdon të rrezikohet nga faktorë të ndryshëm.
Imun ndaj sëmundjeve kardiovaskulare, nuk janë as shqiptarët.
Për këtë, thirrje për kujdes të shtuar në Ditën Botërore të Zemrës, po bën kardiologu Gani Bajraktari.
“Sëmundjet më të shpeshta bë këtë shekull janë sëmundjet e shkaktuara nga asterokeroza ngushtimi i arterieve qoftë arterieve të zemrës apo të trurit dhe të ekstremitete të poshtme. Kurse ngjarjet më fatale janë infarkti në tru dhe ai në zemër”, u shpreh Bajraktari.
Bajraktari i ka përmendur edhe faktorët që po e rrezikojnë shëndetin e zemrës në Kosovë.
“Ato që janë më dominonte në Kosovë dhe më tragjikë është duhan-pirja është nga faktorët e rrezikut më të shprehur sidomos tek moshat e reja faktor madhor i rrezikut në Kosovë. Përveç duhanit është diabeti. Pastaj yndyrat e rritura për shkak të keq-ushqyeshmërisë dhe mos aktiviteti fizik por nganjëherë kemi edhe trashëgimi familjare dhe pastaj është hipertensioni arterial”, theksoj tutje Bajraktari.
E një nga sfidat kryesore në vend mbetet edhe trajtimi në kohë i rasteve akute.
“Unë mendoj se jemi akoma keq në trajtimin e raste akute sepse ne kemi vonesa të jashtëzakonshme në trajtimin e infarktit akutë atij që ne e quajmë nga minuta kur fillon dhimbja e gjoksit e deri tek hapja e arteries korone që ka shkaktuar infarktin. Kalojnë orë të tëra, e këtë ne duhet të e shkurtojmë dhe në këtë prizëm duhet ministria të bëjë më shumë sensibilizim”, theksoj Bajraktari.
Megjithatë, sipas Bajraktarit, në Kosovë tashmë ofrohet një trajtim modern i sëmundjeve të zemrës.
“Sëmundjet e zemrës sot në Kosovë le të themi 99% e tyre trajtohen njësojë si në vendet e zhvilluara që është një arritje spektakulare e kardiologjisë kosovare. Sot në Kosovë vendosen bajpasët, valvuvat, vendosja e stentave trajtimi modern i infarktit akut, shumica e barnave që përdorën në vendet e tjera i gjejmë edhe ne”, ka përfunduar Bajraktari.
Ndryshe, të martën edhe Instituti Kombëtar i Shëndetësisë Publike, ka publikuar disa këshilla për shëndetin e zemrës.
