Dy persona janë arrestuar në Gjakovë, nën dyshimin se i kishin dhënë para me kamatë-fajde një personi tjetër.
Sipas Policisë së Kosovës, të dyshuarit janë meshkuj kosovarë, ndërsa gjatë kontrollit të shtëpive të tyre janë gjetur dhe sekuestruar dëshmi që dyshohet se lidhen me rastin, si dhe disa fishekë.
“Gjakovë / 24.09.2026 – 14:00. Janë arrestuar dy të dyshuar meshkuj kosovarë, nën dyshimin se i kishin dhënë para me kamatë-fajde viktimës mashkull kosovar. Gjatë kontrollit të shtëpive të të dyshuarve janë gjetur dhe sekuestruar dëshmi që lidhen me rastin, si edhe disa fishekë. Me vendim të prokurorit të dyshuarit janë dërguar në mbajtje”, thuhet në raportin e Policisë.
Dy të dyshuarit janë dërguar në mbajtje me vendim të prokurorit, ndërsa rasti po trajtohet nga organet kompetente.
