Dy shtetas të Serbisë janë arrestuar të shtunën në pikën kufitare në Jarinjë.
Policia njofton se gjatë kontrollit u janë gjetur dhe sekuestruar 5 thika. Po ashtu, është konfiskuar një vulë serbe dhe një kartë identifikimi e një organizate.
Të dyshuarve u janë gjetur edhe 2 bluza me mbishkrime nacionaliste dhe një logo e flamurit serb. Policia ka sekuestruar gjithashtu 2 pajisje shumëfunksionale dhe një kamerë “GoPro”.
“Janë arrestuar dy të dyshuar meshkuj serb, shtetas të Serbisë, pasi gjatë kontrollit tek të njëjtit janë gjetur dhe sekuestruar 5 thika, një Vulë serbe dhe një ID kartë e një organizate në të cilën ishte i anëtarësuar, dy maica me mbishkrime nacionaliste, një logo e flamurit të Serbisë, dy paisje shumë funksionale, një kamerë GO PRO”, thuhet ne raportin 24 oresh te policise.
Me vendim të prokurorit, pas intervistimit të dyshuarit dërgohen në mbajtje.
Rasti është iniciuar si “Mbajtje në pronësi, kontroll ose posedim i paautorizuar i armëve”.
