Selektori i Kombëtares së Kosovës në futboll, Franco Foda, të premten ka publikuar listën e futbollistëve për Ligën e Kombeve.
Foda ka ftuar 27 futbollistë për këtë grumbullim, ndërsa ka mungesa të rëndësishme në listën e tij.
Përveç Amir Rrahmanit e Florent Hadërgjonajt, të cilët janë tërhequr nga Kosova, në listë mungojnë edhe Kreshnik Hajrizi, Florent Muslija e Elvis Rexhbeçaj, që janë të lënduar.
Ndërkohë, për herë të parë te Kosova është ftuar Dion Kacuri kurse pjesë e listës është edhe Erblin Osmani.
Milot Avdyli është ftuar nga Foda, ndërsa në listë janë Vesel Demaku, Donat Rrudhani, Muharrem Jashari, Veldin Hoxha e Ermal Krasniqi.
Gjithashtu, të grumbulluar do të jenë edhe Baton Zabërgja, Valmir Matoshi, Milot Rashica, Leon Avdullahu, Edon Zhegrova, Fisnik Asllani, Albion Rrahmani e Vedat Muriqi.
Në mbrojtje, janë të ftuar Mërgim Vojvoda, Lumbardh Dellova, Ilir Krasniqi, Albian Hajdari, Ron Raçi, Leard Sadriu e Dion Gallapeni.
Ndërsa, krahas Arijanet Muriqit për portierë janë ftuar edhe Amir Shaipi e Visar Bekaj.
Kosova, të hënën e nis grumbullimin për katër ndeshjet e Ligës së Kombeve, të cilat do ti luajë në fund të këtij muaji dhe fillim të muajit të ardhshëm.
“Dardanët” në sezonin e ri të Ligës së Kombeve, do të paraqiten për herë të parë në ligën B kurse do të përballen me Irlandën, Austrinë dhe Izraelin.
Kosova këto katër ndeshje, i luan më datat 24 e 27 shtator, si dhe 1 e 4 tetor.
Ndërkohë, selektori Foda ka publikuar edhe listën e zgjeruar, pjesë e së cilës, janë: Faton Maloku, Bledian Krasniqi, Kreshnik Krasniqi, Florian Haxha, Betim Fazliji, Andi Hoti, Leon Frrokaj, Rilind Nivokazi, Meriton Korenica e Faton Ademi.
