Pak para nisjes së protestës në Prishtinë, ka ndodhur një përplasje verbale mes një qytetari dhe pjesëtarëve të Policisë së Kosovës.
Një qytetar është parë i pakënaqur me veprimin e policisë, ndërsa për mediat ka treguar se si, sipas tij, ka ndodhur përplasja mes tij dhe zyrtarëve policorë.
Ai ka thënë se gjithçka nisi pasi Aida Dërguti kishte kaluar rrugën në një pjesë ku, sipas tij, nuk kishte vijë të bardhë apo vendkalim për këmbësorë.
Sipas rrëfimit të qytetarit, policia e kishte ndaluar dhe i kishte kërkuar dokumentet, duke i thënë të shkonte në stacionin policor. Ai pretendon se gjatë momentit të ndalimit, një zyrtar policor e kishte kapur për krahu.
“E kapi për krahu, nuk ka të drejtë ai me kapë. Është uniformë e policisë, e kemi paguar me gjak, jo me kapë një veteran të luftës”, ka deklaruar qytetari.
Përplasja ka ndodhur pak para fillimit të protestës së thirrur në mbrojtje të UÇK-së.
