Kryetari i Aleancës, Ardian Gjini, ka reaguar pas aktgjykimit të Gjykatës Speciale ndaj ish-krerëve të Ushtrisë Çlirimtare të Kosovës.
Gjini i ka cilësuar dënimet ndaj Hashim Thaçit, Jakup Krasniqit, Kadri Veselit dhe Rexhep Selimit si “tronditëse dhe thellësisht zhgënjyese”.
Ai ka thënë se në këtë ditë mendimet dhe mbështetja e tij janë me familjet e të dënuarve, bashkëluftëtarët dhe qytetarët e Kosovës.
“Sot mendjet dhe zemrat tona janë me familjet e tyre, me bashkëluftëtarët dhe me gjithë popullin e Kosovës. Ky aktgjykim nuk mund ta ndryshojë të vërtetën historike”, ka të ruhet Kosova dhe ka kërkuar që në shkallën e dyt shkruar Gjini.
Ai ka vlerësuar se lufta e UÇK-së ishte luftë çlirimtare kundër regjimit të atëhershëm të Serbisë, duke theksuar se Kosova sot është shtet i lirë dhe sovran.
Gjini ka bërë thirrje që të ruhet Kosova dhe ka kërkuar që në shkallën e dytë të gjykimit të punohet për lirimin e katër ish-krerëve të UÇK-së.
“Ta ruajmë Kosovën, sepse në atë mënyrë nuk ua japim armiqve kënaqësinë që e presin. Kosova duhet të bëjë shumë më shumë që katër udhëheqësit e UÇK-së të shpallen të lirë në shkallën e dytë të gjykimit”, ka deklaruar ai.
