Partia Demokratike e Kosovës do t’i drejtohet sërish nesër Gjykatës Kushtetuese, ku ka paralajmëruar një konferencë për media.
Në njoftimin e dërguar mediave bëhet e ditur se kryetari i Grupit Parlamentar të PDK-së, Arian Tahiri, dhe deputeti Përparim Gruda do të deklarohen para Gjykatës Kushtetuese të Kosovës.
Konferenca do të mbahet nga ora 09:00, ndërsa PDK ka paralajmëruar se do të kontestojë votimin e Qeverisë Kurti 4.
“Njoftim për media: Partia Demokratike e Kosovës, e përfaqësuar nga Kryetari i Grupit Parlamentar, Arian Tahiri dhe deputeti Përparim Gruda, nesër, nga ora 09:00, do të mbajë konferencë për media para Gjykatës Kushtetuese të Republikës së Kosovës”, thuhet në njoftimin e PDK-së.
