Hungaria u ka kërkuar 10 diplomatëve rusë që “janë angazhuar në aktivitete… që janë të papranueshme për diplomatët sipas Konventës së Vjenës” të largohen nga vendi, ka thënë ministrja e jashtme Anita Orban, sipas Guardian.
“Vendimi mbron sigurinë dhe sovranitetin e Hungarisë”, tha ajo në një deklaratë në Facebook.
“Kjo nuk do të thotë ndërprerje e marrëdhënieve diplomatike me Rusinë . Hungaria synon të vazhdojë dialogun e nevojshëm, bazuar në respekt të ndërsjellë dhe pajtueshmëri me rregullat”, shtoi ajo.
Ndërkohë, Zëdhënësi i komisionit për çështjet e jashtme të BE-së, Christian Wigand , tha:” Ne e marrim parasysh vendimin legjitim të Hungarisë.”
Sipas tij, ky është një reagim i pritur duke pasur parasysh fushatën e vazhdueshme të Rusisë në përdorimin e sulmeve hibride kundër BE-së dhe shteteve anëtare të saj.
“Bashkimi Evropian shpreh solidaritetin e tij të plotë me Hungarinë dhe riafirmon mbështetjen e tij për aktivitetet diplomatike dhe konsullore të të gjitha shteteve anëtare të kryera në përputhje me të drejtën ndërkombëtare”, tha ai.
