Një 68-vjeçar nga Kosova ka humbur jetën sot në plazhin e Velipojës, pasi dyshohet se ka pësuar një arrest kardiak gjatë kohës që po lahej në det.
Sipas informacioneve paraprake, rreth orës 15:15, në zonën e njohur si “Plazhi i Vogël” në Velipojë, S. B., 68 vjeç, me shtetësi kosovare, ka pësuar një arrest kardiak ndërsa ndodhej në ujë.
Si pasojë e këtij episodi, ai është mbytur.
Grupi hetimor ka nisur menjëherë procedurat e nevojshme dhe vijon punën për sqarimin e plotë të rrethanave të ngjarjes, si dhe për dokumentimin e saktë të të gjitha fakteve.
Njoftimi i policisë:
Velipojë / Informacion paraprak
Rreth orës 15:15, në zonën e “Plazhit të Vogël”, Velipojë, shtetasi kosovar S. B., 68 vjeç, dyshohet se gjatë kohës që po lahej në det, ka pësuar një arrest kardiak dhe për pasojë, është mbytur.
Grupi hetimor vijon punën për sqarimin dhe dokumentimin e plotë të rrethanave të ngjarjes./rtsh.al/
