Analisti politik, Burim Korqa ka komentuar situatën politike në vend dhe thirrjen e seancës konstituive të Kuvendit, duke shprehur shpresën që seanca e 9 shtatorit të çojë drejt konstituimit të institucioneve.
Ai ka vlerësuar se LDK-ja duhet të gjejë një kompromis me LVV-në për emrin e presidentit, duke pretenduar se një pjesë e deputetëve të LDK-së do ta mbështesnin Faton Bislimin nëse ai do të ishte propozuar si kandidat.
Sipas tij, Bislimi mund të siguronte jo vetëm votat e deputetëve të LDK-së, por edhe ato të LVV-së.
“Kam informacione se njerëzit nga kjo 6-shqe kanë thënë se po të kishte qenë emri i Faton Bislimit në tavolinë ne do të kishim dhënë votat për të për shkak se ata e ndiente që ai përfaqëson shumë më mirë interesat e LDK-së sesa kandidatin për të cilën janë marrë vesh, unë mendoj që jo vetëm 18 votat e LDK-së do të ishin pro, por edhe votat e LVV-së, po ndoshta në qoftë se ishte marr vendim nga PDK dhe Aleanca që të marrin pjesë në seancën për votimin e presidentit besoj që do të kishte vota edhe nga ato dy parti të tjera”, ka deklaruar Korqa në emisionin “Ditari” në Tëvë1.
Korça ka shtuar se në rast se PDK-ja dhe AAK-ja do të merrnin pjesë në seancën për zgjedhjen e presidentit, edhe nga këto dy parti mund të kishte vota për Bislimin.
Ndërkohë, ai ka fajësuar udhëheqjen e LDK-së për situatën e krijuar rreth kandidaturës për president të Bekim Sejdiut duke thënë se nuk është konsultuar paraprakisht me të gjithë deputetët e saj.
Në anën tjetër, Korqa ka vlerësuar se LVV-ja ka qenë konsistence në qëndrimet e saj dhe i është përmbajtur marrëveshjes së arritur me LDK-në.
“Patjetër që është e mirë thirrja e seancës konstituive dhe shpresoj që të konstituohet me datën 9, të njëjtën kohë sa më parë që të jetë e mundshme në afatet kushtetuese të krijohet qeveria dhe pastaj të shkojmë tutje me votimin e presidentit, shpresoj që partitë në veçanti partia e cila ka qenë deri më tani në bisedime me LVV-në LDK-ja të mund të gjejë një kompromis mes vete ose një emër i cili mund të jetë i pranishëm nga 18 deputetë të LDK-së, njëkohësisht edhe nga LVV. Fajin kryesor e ka udhëheqja e LDK-së e cila nuk është konsultuar paraprakisht me deputetët e vetë në veçanti me 6-shtën kundërshtuese sa i përket emrit për president, prandaj kemi ardhur deri këtu. Normal që LVV ka qenë konsistence dhe iu ka përmbajtur fjalëve të veta dhe marrëveshjes të cilën e ka arritur me LDK-në”, tha ai./teve1.info/
