Kurti të dielën ka thënë se shpreh mirënjohje për trimërinë dhe profesionalizmin e policës, duke shtuar se shpreson që edhe prokuroria dhe gjyqësori të jenë në këtë nivel.
“I kemi pesë të lënduar në veri të Kosovës duke luftuar kontrabandën .. Unë veç mund të shpreh nderimin dhe mirënjohjen time të madhe për trimërinë dhe profesionalizmin e tyre, por edhe shpresoj e uroj që edhe hapat tjerë të drejtësisë, prokuroria e gjyqësori të jenë në të njëjtin nivel të detyrës në mënyrë që të mos na përsëriten gjëra të tilla”, ka thënë Kurti, të dielën në një konferencë për media të organizuar nga VV ku u fol për procesin zgjedhore në këtë parti, shkruan teve1.info.
Ai tha se do t’i pres në takim policët e lënduar sot pasdite.
Një person është arrestuar në Leposaviq, pasi i njëjti me kamionin, që kontrabandonte mallra, gjatë tentimit për shmangie të ndaljes dhe arrestimit nga policia, ka goditur veturën policore disa herë, duke lënduar pesë prej policëve.
Përmes një komunikate, polica ka dhënë detaje rreth aksionit të zhvilluar për arrestimin e vozitësit.
