Trajneri i Juventusit, Luciano Spalletti ka marrë një lajm të keq sa i përket mesfushorit francez, Kephren Thuram.
Spalletti nuk do ta ketë Thuramin në dispozicion deri në vitin e ardhshëm pasi shkaku i operimit të gjurit, do ta humb komplet vitin aktual.
Thuram, të enjten do ti nënshtrohet operimit kurse nuk do të jetë në gjendje të rikthehet në fushë deri në muajin janar të vitit të ardhshëm.
25-vjeçari prej sezonit të shkuar kishte probleme me gjurin dhe tani patjetër duhet të operohet, në mënyrë që të jetë i gatshëm dhe mos të ketë telashe.
Mungesa e Thuramit është edhe arsyeja që Juventusi në ditën e fundit të afatit kalimtar të verës e huazoi mesfushorin Pape Sarr nga Tottenhami.
Thuram është pjesë e Juventusit prej verës së vitit 2024 kurse sezonin e shkuar ishte një nga lojtarët më të dalluar të ekipit, si dhe nga mesfushorët më të mirë në Serie A.
