Elvis Letaj, më nuk është futbollist i skuadrës së Ballkanit që bën gara në Superligën e Kosovës në futboll.
Ekipi nga Suhareka, të martën ka njoftuar se ma marrëveshje të dyanshme kanë shkëputur kontratën me futbollistin 22-vjeçar.
“Klubi ynë e falënderon Elvisin për përkushtimin, profesionalizmin dhe kontributin e tij gjatë kohës së kaluar në fanellën e Ballkanit. I urojmë shumë suksese në sfidat e ardhshme të karrierës!”, ka shkruar Ballkani në njoftim.
Letaj, i cili ka edhe 4 paraqitje me Kombëtaren U21 të Kosovës, Ballkanit iu bashkua vitin e shkuar nga Hajduku i Splitit.
Në sezonin e tij të parë te Ballkani, lojtari i krahut regjistroi 27 paraqitje në të gjitha garat kurse në sezonin aktual, Letaj ka dy ndeshje të luajtura.
