Kompania Rajonale e Ujësjellësit “Prishtina” ka njoftuar se të enjten ka nisur shkyçjen nga sistemi publik i ujësjellësit të konsumatorëve që kanë borxhe të papaguara për shërbimet e ujësjellësit.
Përmes një njoftimi në Facebook, kompania ka paralajmëruar se ndaj konsumatorëve me obligime të papaguara do të zbatohet “zero tolerancë”.
“Sot po shkyçen nga sistemi publik i ujësjellësit konsumatorë me borxhe për ujë, në Prishtinë. Njoftohen të gjithë konsumatorët në Prishtinë se ndaj borxheve të papaguara për shërbimet e ujësjellësit do të zbatohet zero tolerancë”, thuhet në njoftimin e KRU “Prishtina”./teve1.info/
