Prokuroria Themelore në Prishtinë, ka bërë të ditur se është ndaluar për 48-orë një person për vdekjen e një punëtorit në KEK, që ndodhi gjatë ditës së enjte.
Sipas komunikatës i ndaluari dyshohet e kryerjes së veprës penale ‘’Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’’
“Në kuadër të veprimeve hetimore të ndërmarra deri më tani, është ndaluar një (1) person me inicialet A.K., për 48 orë, nën dyshimin e kryerjes së veprës penale ‘’Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’’, nga neni 358 i Kodit Penal të Republikës së Kosovës. Prokurori i çështjes, brenda afatit ligjor, do të shqyrtojë rrethanat dhe provat e grumbulluara si dhe do të ndërmarrë të gjitha veprimet e nevojshme, duke përfshirë edhe kërkesën për caktimin e ndonjërën prej masave të sigurisë ndaj të pandehurit në procedurë penale në përputhje me dispozitat ligjore në fuqi”, thuhet në komunikatë.
Sipas njoftimit pas rastit të ndodhur në vendin e ngjarjes kanë dalë njësitet përkatëse të Policisë së Kosovës, Komisioni i Pavarur për miniera dhe minerale (KPMM), Inspektorati i Punës dhe Inspektorati i Brendshëm i Koorporatës Energjetike (KEK), ku me urdhër të Prokurorit kujdestar kanë ndërmarrur të gjitha veprimet e nevojshme hetimore për ndriçimin e plotë të rrethanave dhe shkaqeve që kanë çuar deri te humbja e jetës së punëtorit./teve1.info/
