Trajneri kroat Slaven Biliq, i rikthyer në krye të kombëtares, ka takuar ish-“Topin e Artë” Luka Modriq për ta bindur të luajë në Nations League.
Slaven Bilic prej një muaji ka marrë drejtimin e Kroacisë, trajneri i së cilës ka qenë nga 2006 deri në 2012-n. Ai menjëherë ka thënë: “Një nga gjërat e para që do të bëj është të flas me Modriq, do të më pëlqente të vazhdojë me kombëtaren”.
Ditët e fundit ai ka kaluar nga fjalët te faktet. Ka pasur një takim, ku Biliq i ka kërkuar Lukës të luajë përsëri me fanellën me kuadrate. Mesfushori veteran duhet të marrë një vendim këto ditë, duke marrë në konsideratë faktin që nuk e ka zyrtarizuar asnjëherë zgjedhjen për ta mbyllur me Kroacinë, që e bëri të ditur ditët e Botërorit. Për Milanin do të peshonte rikthimi i lojtarit me Kroacinë, pasi Modric mbush 41 vjeç në fillim të shtatorit. Raporti mes Modric dhe Bilic është i veçantë. Bilic debutoi si trajner i Kroacisë më 16 gusht 2006 kundër Italisë dhe atë ditë Luka shënoi golin e parë në karrierë me kombëtaren. Më pas bënë të dy të njëjtën rrugë për 6 vjet. Tani mund të ribashkohen.
