Prokuroria Speciale e Kosovës ka njoftuar se është ndaluar për 48-orë personi I arrestuar që bëri thirrje për pushkatimin e Haradinajt.
S.LL është ndaluar nën dyshimin për kryerjen e veprave penale “Nxitja e përçarjes dhe mos durimit” si dhe “Kanosja”.
“Prokuroria Speciale, në bashkëpunim me Policinë e Kosovës – Drejtoria për Hetimin e Krimit të Organizuar dhe Krimeve të Rënda, është duke ndërmarrë të gjitha veprimet dhe procedurat e nevojshme hetimore, me qëllim të sqarimit dhe vërtetimit të plotë të rrethanave të rastit të ndodhur të mërkurën, në Kuvendin e Republikës së Kosovës”, thuhet në komunikatë.
S.LL u arrestuar nga Policia e Kosovës vetëm pak orë pas autorizimit të Prokurorisë Themelore në Prishtinë për identifikimin e tij dhe marrjen e veprimeve ligjore./teve1.info/
