Tymi shihej që nga larg.
Kjo hapësirë e fshatit Vrellë të Lipjanit mesditën e së hënës u përfshi nga flakët.
Zjarri, i cili dyshohet se kishte nisur nga këto parcela, përfshiu edhe goma te një pistë e garave të kartingut.
Në vendngjarje menjëherë u panë edhe zjarrfikësit.
I gjithë rasti kaloi pa lëndime në njerëz.
Megjithatë, dëme materiale pësoi pista e garave.
Detaje rreth ngjarjes dhanë nga Brigada e zjarrfikësve.
“Zjarrin e kemi gjetur në fazën e zhvillimit. Një perimetër i madh ka qenë i mbuluar me goma. Për fat të mirë, zjarri është lokalizuar shumë shpejt, pa lënë të shkaktojë dëme të tjera. Janë duke u djegur goma të automjeteve. Kjo pjesë ka qenë e shfrytëzuar për zhvillimin e garave”, u shpreh Shaban Kermeni –zjarrfikës.
Për shuarjen e zjarrit u përdorën edhe kamionë të betonierëve.
Bashkë me zjarrfikësit, në vendin e ngjarjes u panë edhe forca policore, si dhe pjesëtarë të KFOR-it.
Ndërsa, nga Policia nuk pranuan të japin detaje për rastin.
