Futbollisti nga Uganda, David Oworit, një prej futbollistëve më të njohur të vendit afrikan, humbi jetën në moshën 27-vjeçare pasi u sulmua brutalisht nga persona të dyshuar si grabitës pranë banesës së tij në Kampala.
Owori u përball me autorët, të cilët tentuan t’i grabisnin telefonin celular dhe sendet personale.
Futbollisti dyshohet se bëri rezistencë, ndërsa sulmuesit e goditën me gurë trotuari, duke i shkaktuar plagë të rënda.
David Owori ishte kapiten i SC Villa, klubit më të suksesshëm në histoinë e kampionatit ugandez, ku aktivizohej si mbrojtës i djathtë dhe mesfushor.
Ai ishte gjithashtu pjesë e kombëtares së Ugandës dhe konsiderohej një nga futbollistët më të rëndësishëm të brezit të tij.
