Në një intervistë në emisionin “Info Nata”, Yurash tha se momenti më i keq i tij ka qenë përgjatë kalimit të rrugës Lviv-Kiev ku thotë se u ballafaqua me vdekjen teksa po kërkonte të gjente strehim.
“Momenti me i keq ishte në qyteti e Makarit përgjatë rrugës Lviv-Kiev, isha afër vdekjes në momentin që po kërkonim të gjenim strehim. Kur e sheh dhe e dëgjon goditjet e artilerisë nuk ke asnjë siguri se do te shpëtosh sepse artileria është e verbër dhe çka të mbetet të besosh është vetëm fati. Nëse i dëgjon gjuajtjet që vijnë drejt teje është me e lehte sepse kundërpërgjigjesh dhe gjuajtjet ndalen, nëse ke artileri e konsideron fat”, rrëfeu ai.
Jurash deklaron se që në fillim të luftës në Ukrainë është mobilizuar dhe se kishte vendosur të qëndronte në vendin e tij për të luftuar.
Tutje gjatë intervistës së tij, deputeti ukrainas thotë se artileria ruse është duke shkatërruar gjithçka në Ukrainë teksa thekson se atje jeta e njerëzve është vetëm në duart e Zotit.
“Realiteti është qe kur arrin në këto qytete ku ka bombardime të shumta, jeta është ferr në aspektin ushtarak dhe atë humanitar, sepse ruset janë në avantazh në aspektin e mjeteve ushtarake në artileri. Ne fakt ruset frikësohen të lëvizin dhe çka bëjnë është që çdo ditë godasin me artileri të rendë duke shkatërruar infrastrukturën civile dhe ushtarake… Artileria ruse po shkatërron gjithçka dhe atje je vetëm në duart e Zotit… Ne misionet tona do ti vazhdojmë derisa te kthejmë te gjitha pjesët e pushtuara të vendit dhe të kemi shpëtuar sa më shumë civil”, rrëfeu tutje deputeti ukrainas në Tëvë1.
Ndërkohë lufta e Rusisë kundër Ukrainës ka filluar me 24 shkurt të këtij viti dhe ende është duke vazhduar./Teve1.info/
