Kjo për shkak të kërkesave të qytetarëve.
Derisa kërkesat për ujë të pijshëm po shtohen, niveli në dy liqenet ku merret uji për furnizim ka shënuar rënie.
Sipas kompanisë rajonale të ujësjellësit ‘’Prishtina’’ vetëm në liqenin e Badocit ka shënuar rënie 7.9 metra nën kuotën maksimale të kapërdedhjes.
Kjo sipas KRU Prishtina vjen si shkak i keqpërdorimit nga vet qytetarët.
“Për fat të keq në tetë komunat që ne shërbejmë ka keqpërdorues, kjo tregon edhe rezultatin e humbjeve. Fati i keq është që në zonat rurale ka më shumë keqpërdorime sepse po shpërdorohet për ujitje”, ka thënë Sokol Xhafa, ushtrues i detyrës së kryeshefit ekzekutiv të KRU “Prishtina”,
Xhafa u shpreh se mund të ketë reduktime nga Badoci.
“Kërkesa është e madhe për ujë dhe infrastruktura nuk e përballon këtë kërkesë. Potencialisht mund të obligohemi që linja ose furnizimi nga Badovci të aplikojmë reduktime në mënyrë që të ruajmë ujin për periudhën vijuese sepse jemi vetëm në fillimin e verës”, shprehet ai.
Megjithatë deri më tash qytetarët nuk janë ballafaquar me reduktime të ujit.
Vendimi i qeverisë për shërbim të klientëve me ujë u mor në fillim të korrikut, ndërkaq në nëntor të vitit të kaluar ishte marrë vendimi që të largohen nga përdorimi shishet e plastikës.
Kronika e realizuar nga Doresa Geci
