Ai ka thënë se në Kosovë janë të mbjellë 51.282 hektarë me grurë dhe se deklarimet se Kosova ka vetëm 40 mijë hektarë të mbjellura me grurë janë të pavërteta.
Peci përmes një postimi në Facebook,ka thënë se dikush duke ulur sipërfaqen me grurë të mbjellur po tenton të përfitojë mbi 5 milionë euro.
“E ri-theksoj se në bazë të numrit të aplikuesve, sipërfaqet e mbjellura mbi 2 hektarë me grurë janë 51.282 hektarë. Të gjithë ata që përmes deklaratave të tyre po vazhdojnë të shfrytëzojnë mediat duke pohuar të pa-vërtetat se në Kosovë ka vetëm 40 mijë hektarë të mbjellura me grurë; mesiguri një veprim të tillë e bëjnë pasi që veç i kanë paraqitur “faktet” dhe të dhënat paraprakisht në prokurori (ndryshe mendja e shëndoshë nuk e kupton, se dikush mund të konsumojë vepër penale në mënyrë të vetëdishme) sepse kushdo që ka informacione që pretendon se numri i sipërfaqeve është vetëm 40 mijë i bie rreth 11 e 282 hektarë më pak dhe se dikush po tenton të manipulojë, duke dashur që kundërligjshëm të përfitojë më shumë se 5 milionë euro apo saktësisht 5.347.668 euro të taksapaguesve tanë”, ka shkruar ai.
Peci ka njoftuar se nga java e ardhshme do të lansohet numri i telefonit pa pagesë ku të gjithë fermerët do të kenë mundësi të paraqesin kërkesat e tyre.
Gjatë ditë Naim Ismajli nga PDK, ka thënë se të dhënat zyrtare e demantojnë qeverinë sa i përket sipërfaqeve të mbjellura me grurë./teve1.info/
https://teve1.info/lajmet/siperfaqet-e-mbjellura-me-grure-pdk-shifrat-zyrtare-demantojne-qeverine/
