Koalicionin më Lëvizjen Vetëvendosje nuk e sheh në asnjë formë alternative.
Madje kryetari i Skenderaj, Sami Lushtaku në një deklaratë publike ka bërë të ditur se nëse PDK bashkëpunon me partinë e Albin Kurtit do të largohet nga partia.
E rreth kësaj deklarate, të hënë në emisionin Mesditë” në Tëvë 1 u pyet edhe anëtari i kësaj partie, Xhavit Haliti,
Ai madje tha se PDK nuk ka bërë program të shërbejë Sami Lushtakut.
“Nuk e di kush kujt i’u ka kërcënuar. Disa mund të jenë qëndrime personale. Vendimet e partisë merren në organe. Nuk kam informata për kërcënime e largime. Ne kemi bërë program që t’i shërbejmë Kosovën dhe jo Sami Lushtakut. Nuk besoj se e ka shantazhuar ndokush. Edhe Lushtaku e di se nëse organet e partisë vendosin për koalicion, edhe ai e ka të drejtën e votës”, ka thënë Haliti.
Rreth deklaratës së Halitit, Tëvë1 ka provuar të marr një qëndrim edhe nga kryetari i Skenderajt, Sami Lushtaku.
Por, një gjë e tillë, të hënën ka qenë e pamundur.
Ndërkohë, njohësi i çështjeve politike, Ejup Gojnovci, e vlerëson si të ngutshme deklaratën e Lushtakut.
“Mendoj që z.Lushtaku ka bërë një gabim të ngutshëm ndoshta për kohën të pavend. Megjithatë unë vlerësoj që PDK pret që vendi të shkojë në zgjedhje të jashtëzakonshme sepse pretendon që të marrë një adut emocional pozitë pas vendim në Gjykatën e Hagës dhe nëse ka një lirim të të akuzuarëve PDK mendon të ketë një rritje”, u shpreh Gojnovci.
Por a ka përplasje brenda Partisë Demokratike të Kosovës?
“Nuk e di nëse në PDK ka zëra publik që flasin për bashkëpunimin potencial me Lëvizjen Vetëvendosje por që ka përplasje në PDK kjo është evidente. Ne që i shohim nga afër zhvillimet poltike e shohim ëktë situatë dhe për të shmangur përplasjen publike atë farë se po ndodhë LDK, për ta shmangur këtë PDK mbajti menjëherë një mbledhje të kryesisë dhe vendosi “kapukun mbi tengjere””, ka theksur Gojnovci.
Ndryshe, përplasjet mes të parit të Skenderajt dhe kryeministrit në detyrë, Albin Kurti, së fundmi u shpeshtuan.
Madje, këto kulmuan në ngjarjet e datës 14 maj në Skenderaj, kur kryetari i Lëvizjes Vetëvendosje, Hysni Mehani, tha se u sulmua fizikisht nga Sami Lushtaku.
Ky i fundit i mohoi pretendimet e Mehanit, ndërsa më vonë u intervistua edhe nga Policia e Kosovës.
