Ditë më parë, u ndërmorrën veprimet e para.
Në një përpjekje për bashkëpunim, liderët e partive politike u takuan për të diskutuar rreth formimit të institucioneve.
Por nga Partia Demokratike e Kosovës, ishte një jo e menjëhershme.
Kjo bëri që përpjekjet e Lëvizjes Vetëvendosje të vazhdojnë me Lidhjen Demokratike të Kosovës.
Madje në mes tyre të premten u pa edhe disponim i mirë.
Mirëpo një koalicion mes Vetëvendosjes e LDK-së, konsiderohet se nuk e zgjidh krizën institucionale.
Sipas politologut Albinot Maloku, LDK s’i ka numrat e mjaftueshëm.
“Konsideroj që subjekti më i madh në vend me të vërtetë vetëm me Lidhjen Demokratike të Kosovës e ka të pamundur të bëjë numrat, mirëpo përderisa kemi një subjekt politik në Republikën e Kosovës i cili ka thënë se ne nuk duam të jemi pjesë e Qeverisë por që duhen të respektohen këto parime dhe këto kushte që janë në dobi të Kosovës, atëherë kishte me qenë jashtëzakonisht e shëndetshme që të insistohej dhe t’u premtohej partnerëve nga Aleanca në mënyrë që të jetë ky numër”, ka thënë Maloku.
Njëjtë si Maloku nuk mendon analistja Pranvera Ejupi Hajzeraj.
Ajo thotë se LDK-së duhet t’i takojë posti i presidentit.
Përveç PDK-së dhe LDK-së, kreu i Vetëvendosjes, Albin Kurti i bëri ftesë për takim edhe Aleancës.
Por këta të fundit e refuzuan atë nën arsyetimin se i kanë thënë publikisht gjashtë pikat e tyre, për të votuar presidentin.
