Policia e Kosovës ka kërkuar ndihmën e qytetarëve për identifikimin e një personi të dyshuar për përfshirje në veprën penale “mashtrim”.
Sipas Policisë, kërkesa është bërë me autorizim të prokurorisë kompetente, ndërsa qytetarët janë ftuar të bashkëpunojnë duke ofruar çdo informatë që mund të ndihmojë në identifikimin e të dyshuarit.
Në kërkesë është publikuar edhe një fotografi e të dyshuarit, me qëllim që të identifikohet.
“Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën penale “Mashtrim”. Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: [email protected]”, thuhet në njoftim./teve1.info/
