Një kompani është gjobitur me 300 euro pasi një kamion në pronësi të saj u kap duke qarkulluar me ngarkesë të pasiguruar në Prizren.
Sipas njoftimit të Policisë, rasti ka ndodhur të martën gjatë patrullimit të rregullt në qytet, kur zyrtarët policorë ndaluan për kontroll një kamion që transportonte blloqe ndërtimi.
Gjatë kontrollit, policët konstatuan se drejtuesi i automjetit nuk e kishte siguruar ngarkesën sipas rregullave, duke paraqitur rrezik për sigurinë e pjesëmarrësve në komunikacion.
Për shkeljen e evidentuar, personit juridik, përkatësisht kompanisë pronare të kamionit, i është shqiptuar gjobë në vlerë prej 300 euro.
