Ministri në detyrë i Infrastrukturës dhe Transportit, Dimal Basha, ka bërë të ditur se po vazhdojnë punimet për ndërtimin e urës së tretë mbi lumin Ibër.
Përmes postimit në Facebook, Basha ka theksuar se ura do të forcojë lidhjen ndërmjet qytetarëve dhe do të rrisë mundësitë për zhvillim ekonomik në të dy anët e lumit.
“Ura e tretë mbi lumin Ibër po realizohet, duke forcuar lidhjen ndërmjet qytetarëve dhe mundësinë e zhvillimit të ekonomisë në të dy anët e lumit. Punët tona po e lidhin edhe më shumë veriun me jugun. Me Kryeministrin Kurti debati nuk është më nëse po ndahet Kosova, por sa shumë po e afrojmë atë. Vazhdojmë me punë të mira”, ka shkruar Basha./teve1.info/
