Një person ka humbur jetën si pasojë e një aksidenti trafiku që ka ndodhur të martën rreth mesditës në fshatin Vranidoll të Prishtinës.
Zëdhënësi i Policisë për rajonin e Prishtinës, Enis Pllana për tëvë1.info ka bërë të ditur se në aksident kanë qenë të përfshira dy automjete.
Sipas Pllanës, vdekja e viktimës është konstatuar nga ekipi mjekësor emergjent në vendin e ngjarjes.
“Rreth orës 12:00, Policia ka pranuar informatën se në fshatin Vranidoll të Prishtinës ka ndodhur një aksident trafiku me pasoja fatale. Në aksident kanë qenë të përfshira dy automjete. Si pasojë e lëndimeve të marra, një person ka humbur jetën. Vdekja e tij është konstatuar nga ekipi mjekësor emergjent në vendin e ngjarjes. Njësitet e Trafikut Rajonal të Prishtinës, në koordinim me prokurorin e shtetit, janë duke ndërmarrë veprimet e nevojshme hetimore për sqarimin e rrethanave të këtij aksidenti”, ka thënë Pllana./teve1.info/
