Kryeministri izraelit, Benjamin Netanyahu ka deklaruar se Izraeli duhet të ndalojë së mbështeturi në ndihmën ushtarake amerikane dhe në vend të kësaj të zhvillojë sistemet e veta të armëve.
“E vlerësoj shumë mbështetjen që kemi marrë nga miqtë tanë amerikanë, por duhet të çlirohemi nga varësia dhe të ndërtojmë sistemin tonë të armatimit të pavarur”, tha Netanyahu ndërsa iu drejtua trupave javën e kaluar, sipas një videoje të ndarë sot nga zyra e kryeministrit izraelit të cituar nga Al Jazeera.
Komentet vijnë ndërsa Izraeli është nën presion në rritje nga SHBA-të për të frenuar sulmet e tij në Libanin jugor, ku ai pushton në mënyrë të paligjshme sipërfaqe të mëdha territori.
Netanyahu ka këmbëngulur se trupat izraelite do të vazhdojnë të pushtojnë Libanin jugor dhe të “shkatërrojnë” infrastrukturën e Hezbollahut.
