Kryeministri i Shqipërisë, Edi Rama ka reaguar pas raportimeve se në protestat në Shqipëri janë të përfshira grupe serbe dhe greke.
Në postimin e tij, Rama ka shpërndarë një foto që përmban një mbishkrim ku pretendohet se “organizatori” i protestës ka deklaruar se në turmë kishte grupe serbe dhe greke të infiltruar, të cilat sipas pretendimit do të identifikohen me emra.
“Po ky vetë, avash, avash, të gjithë do dalin!”, ka shkruar Rama.
Protesta kundër projektit të investimit në zonën e Zvërnecit ka hyrë në ditën e saj të 22-të.
Sipas organizatorëve dhe pjesëmarrësve në shesh, lëvizja qytetare tashmë është strukturuar rreth pesë pikave të panegociueshme drejtuar autoriteteve:
Dorëheqja e kryeministrit Edi Rama.
Krijimi i një Qeverie Teknike.
Shfuqizimi i Ligjit për Zonat e Mbrojtura.
Shfuqizimi i Ligjit për Investimet Strategjike.
Anulimi i plotë i projektit të njohur si “Paketa e Maleve”.
