Shiriti i policisë u vendosë në rrugën “Feriz Guri” në Çagllavicë.
E vendi i ngjarjes u kthye në zonë të siguruar pas incidentit me armë zjarri.
Gjithçka ndodhi mbrëmjen e së martës rreth orës 23:30 në Prishtinë.
Po këtu u regjistruan të shtëna me armë zjarri, me pasoja për një person.
E i plagosur mbeti Shkelqim Kastrati,një emer i njohur për Policine e Kosoves.
Kastrati dyshohet se është goditur në shpinë, teksa ka tentuar të largohet nga vendngjarja, por i njëjti nuk ia doli.
E sipas të dhënave nga prokuroria, i dyshuar për rastin është N.B., për veprën “vrasje në tentativë” ndodhët ende ne arrati.
Viktima Sh.K është dërguar së pari për trajtim në Qendren Klinike Universitare të Kosovës e më pas e kanë transportuar jashtë vendit për shkak të lendimeve të marra.
“Sipas informacioneve mjekësore nga Qendra Emergjente, pacienti Sh. K.(1996) ka pësuar plagë në regjionin e toraksit, si dhe fraktura të vertebrave torakale. Në momentin e pranimit në Qendrën Emergjente të QKUK-së, gjendja e tij ka qenë stabile, megjithatë lëndimet konsiderohen serioze dhe kërkojnë trajtim të specializuar.Për shkak të natyrës së lëndimit, pacienti është dërguar jashtë vendit për trajtim dhe rehabilitim të mëtejm mjekësor”, ka thënë Qyqalla.
Gjatë qendrimit të Tëvë1 në vendngjarje të pranishëm ishin edhe forenzika.
E pas ekzaminimeve, nga prokuroria themelore në Prishtinë kanë treguar që në veturën e viktimes është gjetur një armë dhe 12 fishek.
“Prokurori kujdestar për krime të rënda dhe njësitet e tjera relevante kanë ndërmarr të gjitha veprimet e nevojshme hetimore për ndriçimin e plot të rrethanave të rastit. Me urdhër të prokurorit të shtetit është kryer bastisja nga policia e Kosovës ku aty janë gjetur një armë e gjatë, 7 gëzhoja edhe 13 fishek dhe po ashtu sipas ekzaminimeve përkatëse nga njësitet relevante është konstatuar se në veturën e viktimës është gjetur një armë zjarri dhe 12 fishek”, u shpreh Gashi.
Kastrati, 30-vjeçar, i njohur me nofkën “Kimi” ishte shpallur në kërkim nga Interpoli për veprën penale “Vrasje me dashje”.
Ai ishte arrestuar në gusht të vitit 2023 nga Policia e Kosovës, ndërsa ishte përfshirë dy vite më pas në një shkëmbim me armë zjarri në rrugën B.
