Kryetari i Prishtinës, Perparim Rama, ka bërë të ditur se Kryeqyteti po avancon drejt modernizimit të transportit publik, duke mbështetur operatorët në procesin e financimit për 15 autobusë elektrikë dhe dy tramvajë.
Përmes një njoftimi në Facebook, Rama ka prezantuar edhe pamjen e autobusëve të rinj që pritet t’i shtohen flotës së transportit publik në kryeqytet.
Sipas tij, mjetet e reja do të jenë moderne, më të qasshme për të gjithë qytetarët dhe plotësisht elektrike, duke kontribuar në përmirësimin e shërbimeve të transportit dhe në mbrojtjen e mjedisit.
“Kryeqyteti me tram dhe autobusë elektrikë. Sot përkrahëm operatorët edhe në proces të financimit për 15 autobusë elektrikë dhe 2 tram. Kështu do të duken autobusët e rinj të Kryeqytetit”, ka shkruar Rama./teve1.info/
