Fondi ku do të mblidhen parat e sigurimeve shëndetësore u themelua.
Kështu vendosi Qeveria në detyrë këtë të martë.
E madje, sipas ministrit në detyrë të Shëndetësisë, nga 1 qershor ka hyrë në fuqi ligji për sigurimet shëndetësore.
Por skeptike që ky ligj do të zbatohet janë nga Federata e Sindikatave të Shëndetësisë së Kosovës.
“Vendimin fundit për themelimin e Fondit normalisht që e kemi mirëpritur, por a jemi skeptik që a do të realizohet a jo, jemi skeptik për faktin që kemi. Duke ditur që duhet të fillohet pak më herët mbledhja e premiumeve dikund gjashtë muaj më herët që të bëhet përgatitja, pastaj mungesa e SISH-it, sistemit informativ shëndetësor, është diçka që mundet më pengu janë çështje ndoshta teknike që mundet me pengu realizimin e kësaj”, ka thënë Imeri.
Megjithatë Imeri ka mirëpritur vendimin për formimin e këtij Fondi, me shpresën që ligji të zbatohet sa më parë.
“Megjithatë po urojë dhe po shpresoj që e kanë gjet ndonjë rrugë tjetër më të mirë për të cilën ka mundësi që Federata jonë nuk ka informacione, ndoshta ata janë më të avancuar me informata dhe me shkencën prandaj ne si punëtor shëndetësor jemi skeptik. Megjithatë kurdo që fillon është i mirëseardhur”, ka thënë tutje Imeri.
E ky ligj sipas ekspertit të politikave shëndetësor, Liridon Bllaca, që qytetarët të mos e kenë më barrë financiare në kërkimin e shërbimeve shëndetësore.
Bllaca ka treguar se do të përfitojnë qytetarët nga ky ligj.
“7% nga të hyrat do të grumbullohen në fondi e sigurimeve shëndetësore, 3.5% i jep personi juridik në këtë rast kompania ku qytetari është i punësuar dhe 3.5% i jep personi fizik. Këto mjete do të grumbullohen në fondin e sigurimeve shëndetësore dhe pastaj fondi i sigurimeve shëndetësore do të kontraktoj institucionet me ofrua atë shërbim”, u shpreh Bllaca.
Por implementimi i ligjit në tërës sipas profesorit Liridon Bllaca i duhet kohë vendit.
“Implementimi i sigurimeve shëndetësore ose i politikave shëndetësore kërkon kohë, do të bashkërendisim gjitha aktivitetet me gjitha institucionet që janë pjesë e zinxhirit të përgjegjësisë. Në rastin tonë na duhet katër vjet me zbatu në plotëni ligjin. Paraprakisht duhet të ulën gjitha institucionet, kur e them gjitha institucionet këtu bëhet fjalë për BQK-në, ATK-në, duhet të bëhet një plan zhvillimi”, theksoj Bllaca.
Në muajin prill, deputet e Kuvendit të Kosovës kishin votuar ligjin për sigurime shëndetësore.
