Sulmet iraniane kanë dëmtuar 20 baza ushtarake amerikane në Lindjen e Mesme që nga fillimi i luftës SHBA-Izrael kundër Iranit, ka treguar BBC pas analizës së imazheve satelitore dhe videove të hënën.
Pjesë e bazave të targetuara përfshijnë Arabinë Saudite, Emiratet e Bashkuara Arabe, Katari, Kuvajti, Jordania, Bahrejni dhe Omani sipas analizës së BBC Verify.
Përkundër deklaratave të përsëritura të Shtëpisë së Bardhë se kapacitetet ushtarake të Iranit janë shkatërruar, por dëmet e observuara në objektet amerikane sugjerojnë se kundërsulmet e Iranit kanë qenë shumë më precize dhe efektive se sa është deklaruar publikisht nga zyrtarët amerikanë.
Ndër humbjet e rëndësishme ishin tre sisteme të përparuara baterish raketash antibalistike në bazat ajrore Al Ruëais dhe Al Sader në Emiratet e Bashkuara Arabe, si dhe në bazën ajrore Muëaffaq Salti në Jordani, thuhet në raport.
Analiza e imazheve satelitore tregoi gjithashtu se sulmet iraniane dëmtuan rëndë avionët amerikanë të furnizimit me karburant dhe mbikëqyrjes në Bazën Ajrore Prince Sultan në Arabinë Saudite, me avionë të rrënuar dhe shenja djegieje të dukshme në vend.
Midis avionëve të identifikuar nga një analist i MAIAR ishte një aeroplan mbikëqyrës E-3 Sentry, zëvendësimi i të cilit, sipas raporteve të mediave amerikane, mund të kushtojë deri në 700 milionë dollarë.
Diku tjetër, sulmet ajrore iraniane goditën gjithashtu bazën ajrore Ali Al Salem dhe kampin Arifjan në Kuvajt. Analistët në MAIAR identifikuan bunkerë të shkatërruar të magazinimit të karburantit, hangare avionësh dhe akomodime trupash në imazhe satelitore, duke treguar se baza u godit disa herë gjatë konfliktit.
Në Kampin Arifjan, firma e inteligjencës së mbrojtjes Janes raportoi dëme të konsiderueshme në pajisjet e komunikimit satelitor, tregoi analiza.
Tensionet në Lindjen e Mesme janë përshkallëzuar që kur SHBA-të dhe Izraeli nisën sulme ndaj Iranit më 28 shkurt. Teherani u kundërpërgjigj me sulme që synonin Izraelin dhe aleatët e SHBA-së në Gjirin Persik, së bashku me mbylljen e Ngushticës së Hormuzit.
