Madje ai thotë se për demantimin e tyre është dashur të reagojë edhe ambasadori amerikan në Kosovë, Jeff Hovenier.
“Po pajtohemi që është dashtë me dalë ambasadori i SHBA-së, ambasadori i një superfuqie me i thënë opozitës se po rreni. Ka shumë rëndësi kjo. A di sa larg duhet me shku për me të dal ambasadori me thënë se Kurti ka qenë në Shtëpi të Bardhë. Domethënë kur të rren edhe për këtë s’po besoj që duhet me i besu për deklarata tjera është vështirë me dalë një ambasador me të demantu por kur bëhet e tepërt”, theksoi ai.
Kurse, sa i përket vizitës së Kurtit në SHBA, Basha thekson se kishte për qëllim të takohej me biznese për shkak të investimeve të mundshme në Kosovë, në veçanti në fushën e teknologjisë.
“Duhet me kuptu që për ne ka shumë rëndësi puna dhe mirëqenia. Kurti ka shku dhe ka taku biznese Kosova nuk është duke vuajtur për asnjë send më shumë se për punë dhe mirëqenie dhe mendoj se ky është programi ynë. Punë, mirëqenie, drejtësi, këtë përmes reformave në drejtësi, kontakteve me biznese. Unë nuk po them që gjithçka e kemi në rregull por synimi ynë që me i tregu botës se kemi një rini shumë të aftë që flet anglisht sidomos te sektori i IT-së ku një pjesë e të rinjve tonë është duke e zgjedhur me një shpejtësi marramendëse”, shtoi ai në “Ditari” në Tëvë 1.
Ndërkaq, deputeti nuk tregoi se kur mund të ketë një investim nga ndonjë biznes amerikan. /teve1.info/
