Policia e Kosovës ka kërkuar ndihmën e qytetarëve për identifikimin e një personi të dyshuar për përfshirje në veprën penale “Keqpërdorimi i kartelave të bankës apo të kreditit”.
Sipas njoftimit, hetuesit e Policisë së Kryeqytetit, me autorizim nga prokuroria kompetente, janë duke zhvilluar hetime lidhur me rastin dhe kanë publikuar fotografinë e personit të dyshuar.
Policia u ka bërë thirrje qytetarëve që nëse kanë informata që mund të ndihmojnë në identifikimin e tij, të kontaktojnë autoritetet përmes numrit të telefonit 192 ose në adresën elektronike [email protected].
“Për çdo informatë që mund të çojë në identifikimin e tij, ju lusim të kontaktoni policinë”, thuhet në njoftim.
