I ftuar në emisionin “Ditari” në Tëvë 1, Basha tha se deklaratat e opozitës se marrëdhëniet mes dy vendeve nuk janë të mira janë “retorika të moçme”.
“Është një retorikë e moçme kjo retorika antiamerikane por është i njëjti kryeminsitër që ka marrë 50.2 për qind të votave të qytetarëve të Republikës së Kosovës që është populli më proamerikan… E dyta, gabimin që po e bëjnë, po mendoj po e bën opozita është ky etiketimi si antiamerikan kinse në Amerikë nënkupton kur e merr flamurin e çon përpjet dhe vrapon me të”, tha ai.
Sipas tij, “punët e ndershme që po i bën Qeveria Kurti” janë vlera proamerikane, duke përmendur edhe luftën kundër korrupsionit dhe sundimin e ligjit.
“Siç e dini Kosova në World Justice Program jemi në rajon më së larti në vendin e 60, jemi ngritur për 17 vende në Transparence International, që nënkupton që kemi fillu një luftë ndaj krimit dhe korrupsionit në vend dhe për këtë ka fjalë miradije nga të gjithë ambasadorët”, tha ai.
Duke reaguar ndaj akuzave të opozitës për krisjen e këtyre marrëdhënieve, deputeti i Lëvizjes Vetëvendosje dha kritika për qeverisjen 20-vjeçare të partive që tani janë në opozitë.
“Për të qenë proamerikan janë këto vlerat ku secili punon për vendin e vet dhe mundohet me bë një mirëqenie dhe zhvillim, kurse nëse vjen një kritikë prej një opozitë që tashmë e dinë se çka ka bë që 20 vjet, nuk mendoj se është vlerë amerikane ose së paku me marrë me i vlerësu për vlerësimet e tyre që i bëjnë”, tha ai. /teve1.info/
