Presidenti i Republikës së Shqipërisë, Bajram Begaj, uroi sot besimtarët myslimanë për festën e Kurban Bajramit.
Ndërsa përcolli urimet për më shumë begati, shëndet, harmoni dhe mirësi në familjet shqiptare, Begaj kujtoi dhe vlerat e kësaj dite të shënuar për besimtarët myslimanë.
“Kurban Bajrami na kujton sakrificën, përkushtimin ndaj Zotit, solidaritetin me njëri-tjetrin dhe kujdesin për ata që kanë më shumë nevojë”, shprehet Begaj në postimin e tij në Facebook.
Kreu i Shtetit thekson se shoqëria bëhet më e fortë kur njerëzit ndajnë jo vetëm gëzimin, por edhe dhembjen dhe përgjegjësinë për tjetrin.
Gjithashtu, Presidenti i Shqipërisë vlerëson në këtë mesazh se festa të tilla si Kurban Bajrami na rikujtojnë vlerat që i kemi mbajtur gjallë ndër shekuj: besimin, familjen, mikpritjen dhe respektin për njëri-tjetrin.
Begaj uroi nga Meka ku nddhet me ftesë të Mbretit të Arabisë Saudite, Salman bin Abdulaziz Al Saud.
