Kryetarja e Kuvendit të Kosovës, Albulena Haxhiu, ka përuruar sot strehimoren e parë institucionale në veri, të rinovuar me një investim prej 634 mijë eurosh.
Haxhiu tha me këtë rast se “vizitën në pjesën veriore të Mitrovicës e nisëm aty ku shihet qartë dallimi mes shtetit që rikthen ligjin dhe krimit që ka dashur ta mbajë peng”.
Ajo shtoi se kjo është strehimorja e parë në rajon sipas standardeve të Konventës së Stambollit.
“Asokohe si ministre e Drejtësisë, bashkë me ish-kryetarin e Mitrovicës së Veriut, Erden Atiq dhe ministrin Xhelal Sveçla, e ridestinuam këtë objekt në strehimore për viktimat e dhunës në familje”, theksoi Haxhiu, duke shtuar se çelësat iu dorëzuan ministrit Andin Hoti, që kjo hapësirë të vihet plotësisht në shërbim të atyre që kanë nevojë për siguri, kujdes dhe dinjitet./teve1.info/
