Kur u pyet për profesionin, deklaroi se është toger i Policisë së Kosovës.
E nën masën e suspendimit, Bojan Jevtiq, të martën u dënua me 6 vite burgim për spiunazh.
Madje, ky i fundit e pranoi se dha informacione tek BIA serbe.
E Tëvë1, ka dërguar pyetje në Policinë e Kosovës për të mësuar nëse ndaj Jetvtiq, është marrë ndonjë masë tjetër ndeshkuese.
Mirëpo, këta të fundit gjatë ditës nuk kanë kthyer përgjigje.
Por, njohësit e ligjit thonë se largimi nga puna do duhej të ishte i menjëhershëm.
“Për vepra penale mënjeherë si të akuzohet, me Kod Penal e kemi që ai të largohet dhe duhet t’i ndërprehet marrëdhënia e punës, dhe çështja të përfundojë aty. Mirëpo, edhe suspendimi pa pagesë, është një masë e tillë që e zëvendëson ndërprerjen dhe pas gjashtë muajsh, sigurisht suspendimi nuk duhet të zgjasë më shumë se gjashtë muaj, atëherë i ndërpritet marrëdhënia e punës”, ka thënë Shala.
Ky rast i përfshirjes së një zyrtari policor në veprimtari të kundërligjshme të spiunazhit, konsiderohet se shpërfaq nevojën e institucioneve për reagim më të shpejtë.
“Institucionet duhet të jenë më të vendosura sa i përket adresimit të këtyre rasteve në mënyrë më të përshpejtuar, sidomos kur bëhet fjalë për zyrtarë të rendit dhe të ligjit, për shkak se potencialisht përfshirja e tyre në vepra penale mund të ketë impakt shumë më të madh se sa përfshirja e qytetarëve të tjerë në këto vepra. Qoftë për imazhin e institucionit por edhe në përgjithësi potencialin që kanë ata me shkaktu dëme si pjesë e institucioneve të sigurisë”, u shpreh Vrajolli.
Jevtiq iu ndalua edhe ushtrimi i funksioneve publike për një periudhë kohore prej 5 vitesh.
Ndryshe, këtë muaj për spiunazh, u dënua edhe ish-punëtorja e OSBE-se, Jelena Gjukanoviq.
