Kështu ka bërë të ditur avokati i Lushtakut, Artan Çerkini në një prononcim për Tëvë 1.
Ai theksoi se tashmë organet e rendit janë në fazën fillestare të hetimeve dhe nuk mund të japin ndonjë informacion tjetër lidhur me rastin.
“Po z.Lushtaku është liruar në procedurë të rregullt. Mbi të nuk rëndon ndonjë diktim se ai mund të ketë përdorur ndonjë armë gjatë incidentit në fjalë. Ne do ta lëmë që organet kompetente ta kryejnë punën e tyre, hetimet janë në fazën fillestare dhe ne do ti përdorim ato mjetet juridike që i kemi dispozicion”, tha ai.
Ndryshe, orët e para të së dielës në qytetin e Skënderajt u raportua se ka ndodhur një incident mes ish-nënkryetarit të kësaj komune, Nuredin Lushtaku, dy vëllezërit e tij dhe djali i tij ndaj dy zyrtarëve policorë.
Krejt kjo dyshohet se ndodhi për shkak se policët i shqiptuan një tiketë trafiku djalit të Lushtakut, teksa këta të fundit morën lëndime të rënda për çka u dërguan në Qendrën Klinike Universitare të Kosovës për trajtim mjekësor./teve1.info/