Trajneri i Barcelonës, Hansi Flick ka konfirmuar se së shpejti do të firmos kontratë të re me klubin nga La Liga.
Sipas, teknikut gjerman marrëveshja mes palëve tashmë është arritur edhe për dy sezonet e ardhshme, kështu që, Flick do të jetë në krye të Barcelonës deri në vitin 2028.
“Do të firmosim deri në vitin 2028 dhe do ta kemi opsionin e rinovimit edhe për një vit tjetër. Jemi në rrugën e duhur dhe pothuajse jemi pajtuar për të gjitha detajet”, ka thënë ndër të tjera Flick.
Gijthashtu, Flick ka thënë se puna e tij do të jetë sfiduese përgjatë dy sezoneve të ardhshme pasi synimi është që të fitohet Liga e Kampionëve.
Flick prej vitit 2024 ka qenë trajner i Barcelonës, ekip me të cilin ka fituar dy herë rresht titullin e kampionit në La Liga.
Nën drejtimin e gjermanit Flick, Barcelona ka fituar edhe dy Superkupa e një Kupë të Spanjës.
